Kryetarja e Lëvizjes Socialiste për Integrim Monika Kryemadhi, ka reaguar në lidhje me progres-raportin e Komisionit Europian. Kryemadhi thotë se prej vitit 2016-të KE ka dhënë rekomandim pozitiv për Shqipërinë, por negociatat asnjëherë nuk janë hapur. Sipas kryetares së LSI-së, shqiptarët nuk duhet të tërhiqen nga kauza e tyre. Njësoj si Basha edhe Kryemadhi tha se ora e fitores është shumë afër.
“Unë jam e bindur se të gjithë bashkë do ta fitojmë integrimin, kur të largojmë një herë e mirë, atë që sot mban peng këtë aspiratë të madhe, atë që mban peng të ardhmen e të rinjve tanë.
LSI ka qenë dhe mbetet partia e integrimit europian. Historia e ka bërë tashmë atë pjesë të pandarë të këtij procesi që në arsyen pse u krijua, në liberalizimin e vizave dhe në statusin e vendit kandidat. Ne mbetemi të vendosur t’i japim vendit mundësinë e çeljes së negociatave, por jo në partneritet me krimin, por vetëm me shqiptarët!
Era e ndryshimit është shumë pranë dhe bashkë me të, edhe Shqipëria Europiane!“, – tha Monika Kryemadhi në reagimin e saj”, tha Kryemadhi.
