Kryeministri Edi Rama ka adresuar akuza ndaj ish liderit të Partisë Demokratike Lulzim Basha. Shefi i qeverisë e ka konsideruar një “plak të marrë që provon t’i vendosë flakën Shqipërisë”.
“As vetë Tiranë nuk është ende si e duam nesër për fëmijët, por shikoni se ku janë sot krahasuar me ku ishim dje, vetëm 4 vite më parë.
Shikoni se cfarë bënë me Shkodrën për 30 vite dhe cfarë bëmë ne me Vlorën në 4 vite. Duhet të jesh komplet qorr për të mos bërë dallimin, mes verbërisë së tyre dhe vizionit tonë për Rilindjen Urbane.
Kudo që jemi investuar për të zeruar ndotjen nga plehrat, ata thonë vjedhje, vjedhje, vjedhje. Priteni kur të fillojnë edhe për zhdukjen e kancerit të Porto Romanos, që do e kthejmë në një park të madh. Vjedhje edhe në Lungomare….që do të vijojë me të tjera vepra shembullore.
Rrugën Milot-Balldren e kthyen në autostradën e vdekjes, ne do e transformojmë në një autostradë të standardit A. Në Shkodër mezi i bëmë ca punë, duke anashkaluar kryebashkiaken më të paaftë.
Këta njerëz mendojnë dhe shikojnë vetëm vjedhje. Për ata të punosh do të thotë të vjedhësh dhe duket se nuk kanë nisur kurrë një punë pa menduar se cfarë do të vjedhin. Ata janë të mbrapshtë, nuk drejtohen dot, ai që prej 30 vitesh u ka dhënë formën e tij të shtrembët si gungë dhe gojën e tij të shthurur”, tha Rama.
