Është arrestuar në kryeqytet Donaldo Nelaj, personi kryesor në grabitjen me armë të 500 mijë lekëve Mustafa Mustafait një javë më parë në Memaliaj. Ka qenë aksioni i policisë së Gjirokastrës në bashkepunim me atë të kryeqytetit, që ka bërë që i riu të vendoset në pranga.
Para pak ditëve u kapën Ilirjan Korbi, Dali Nelaj, Ari Isomati dhe Armando Cakaj si teë dyshuar për këtë ngjarje. Të rinjtë në bashkëpunim me njëri tjetrin, jo vetëm që grabitën çiftin e tregtarëve, por edhe e dhunuan atë, duke iu shkaktuar plagë të shumta në kokë dhe në trup.