Arrestohet një italian në Sarandë, kishte ardhur me gomone për të ngarkuar kanabis

Një gomone është sekuestruar ditën e sotme nga policia Kufitare e Sarandës. Gomonia është gjetur në zonën e njohur si Gjiri i Kasolles. Policia ka vënë në pranga italianin Antonio Summa, i cili është futur në Shqipëri bashkë me gomonen në mënyrë ilegale. Blutë e Sarandës kanë dyshime të forta se italiani ka ardhur në Shqipëri për të marrë drogë. Megjithatë, do të jenë hetimet dhe dëshmia e italianit, i cili do të sqarojë më shumë këtë ngjarje.