Detaje të reja dalin nga atentati ndaj avokatit me iniciale A.Z në Memaliaj.
Mësohet se ai po udhëtonte me makinë me nipin e tij kur një person i ka bërë pritë dhe ka qëlluar në drejtim të tij.
Nga të shtënat me armë nuk ka pasur të lënduar ndërsa autori është shoqëruar në polici.
Ndërkohë burimet shpjegojnë se shkak ka qenë një konflikt për pronat.
Vëllai i avokatit të identifikuar me inicialet A.Z ka patur konflikte të vazhdueshme për pronësinë e një toke.
Mbrëmjen e djeshme makina e avokatit në të cilën ndodhej edhe nipi i tij është qëlluar nga një person, i cili më pas është vetëdorëzuar.
