Nga Roland Bejko
Kur revolucionarët ishin duke sulmuar Bastijën, (la Bastille), Luigji XVI, (Louis XVI) mbreti i Francës, pyeti gardërobistin e pallatit, “Kjo është një revoltë?” “Jo Madhëri, është revolucion”, u përgjigj ai.
Prandaj Rama, i qetë, është duke “arnuar” poçe në formë penisi, apo ndez qirinj në dritaren e kryeministrisë sepse jo revolucioni që nuk duket gjëkundi, por as revoltë s’ka në horizont. Ajo që kemi parë këto ditë, është vetëm një skenë e teatrit politik, ku “Non Grata”, dhe elita e pasur e “Foltores”, bën si e nevrikosur me Ramën për të motivuar militantët në një lëvizje presioni ndaj ndërkombëtarëve që e kanë damkosur dhe izoluar siç Enver Hoxhën, si dhe ndaj drejtësisë që po u heton mega-aferat korruptive. Revolucionit të “foltores” i mungon morali. Robespieri dhe Dantoni janë pengje të Mbretit.
Kështu që ata as revolucionin se frymëzojnë dot, as Mbretin e kapin dot, paçka se bërtasin tërë ditën e tërë natën, “Mbreti në Gijotinë!” Tani nuk u mbetet gjë tjetër, veçse kur mblidhen në “protestat” para Kuvendit, të këndojnë këngën e revolucionarëve francezë, “SANS CULOTTES”! Ps: Përkthimin në shqip të “Sans Culottes”, mund ta bëni nga google
