Gjykata e Posaçme është tërhequr për të marrë vendimin për kryebashkiakun e arrestuar të Himarës Fredi Beleri. Gjatë seancës së sotme në GJKKO, Beleri ka deklaruar se hetimi dhe akuzat kundër tij janë sajesa qesharake.
“Prokurori kërciste stilolapsin në tavolinë gjatë gjyqit, ky është presion. Ky hetim dhe këto akuza janë sajesa qesharake”, ishte deklarata që lexoi Beleri para shpalljes së vendimit.
Në GJKKO, ndodhet Beleri dhe avokati i tij, shoqëruar edhe nga mbështetës. Seancën po e ndjek dhe një përfaqësues nga ambasada greke. SPAK ka kërkuar dënimin me 2 vite e 6 muaj burg për Belerin, ndërsa për të pandehurin tjetër, Fredi Kokaveshi, bashkëpunëtor i Belerit, Prokutoria e Posaçme ka kërkuar dy vite burg, të cilat i janë konvertuar në 4 vite shërbim prove.
