Aferat korruptive përmes incineratorëve ishin fokusi i diskutimeve të seancës së sotme plenare, të cilët kanë sjellë përplasje mes opozitës dhe mazhorancës.
Sali Berisha thotë se Rama është në krye të aferës së incineratorëve dhe pas tij vjen Erion Veliaj dhe zv/ kryeministri Arben Ahmetaj.
Sali Berisha: “Edi Rama mendon se do të shpëtojë nga flakët e incineratorëve. Këtu më i pari i të parëve është Edi Rama e pas tij janë Erion Veliaj e lejtanit i Ramës Arben Ahmetaj”
Berisha shkon në tej duke akuzuar se mafia ka marrë në dorë dhe portin e Durrësit dhe fton qytetarët në protesta masive.
Sali Berisha: “Mafia ka marrë në dorë problemin e turizmit e pretendon se Portin e Durrësit po e bën marinë dhe thotë se do të vijojë dhe kroçera dhe se e ka në patronazh qeveria e Arabisë.
Qëllimi është të kthehet në sipërfaqe truall ndërtimi në një zonë që metri katror kushton 2 mijë euro. U bëj thirrje qytetarëve të bashkohen me revolucionin tonë, vetëm revolucioni popullor paqësor do të mund të shembë këto skema të tmerrshme vjedhjeje që rëndojnë mbi shpatullat tuaja do mund të përmbysë narkoshtetin.”
Berisha fton antimafian italiane të hetojë me përparësi të madhe aferën e djegësave.
Sali Berisha: “ Kompania italiane e cila është karrem thjesht për të maskuar përvetësimin gjigand të shumave të buxhetit të shtetit nga narkoqeveritarët e sotëm. Kjo do të ketë mirënjohje të shqiptarëve. Të mos harrojmë që është antimafia italiane ajo që bëri që Saimir Tahiri të largohet nga detyra. Antimafiua italiane solli sinjalet për më të fuqishmin Don Agaçio .. dhuratmadhin”
Në replikë doli kryetari I grupit parlamentar të PS-së, Taulant Balla i cili si ministrja e shtetit për Parlamentin mbrojti kryemimistrin Rama.
”Kryeministrit Rama i vjen tek fundbarku i kalit të Skënderbeut dhe ta dish fare mirë që kryeministri Rama ka vendosur standard që askush që keni drejtuar vendin nuk ia arrini dot. Ai nuk ka marrë askënd në mbrojtje kur ka nisur procedimi penal. Bëhu dhe ti burrë, kur të vijë mbi ty, me Lulin e djalin tënd respekto këtë standard.
Sali Berisha: Rama është shumëfishi i Tahirit dhe të gjithë Tahireve të tjerë prapa meje.
