Bllokohet 1.5 ton mall kontrabandë, ndalohet tregtari (Emri)

Një sasi e konsiderueshme, rreth 1.5 ton mallra ushqimore pa dogane është bllokuar mbrëmjen e sotme nga AKU dhe Krimi Ekonomik në qytetin e Sarandës. Mësohet se në brendësi të mjetit tip “Benz” me targë AA798LV me drejtues Eduard Laze, banues në Sarandë, u gjeten mallrat ushqimore të cilat ishin marrë në Greqi dhe kishin kaluar përmes doganës së Qafë Botës pa u zhdoganuar. Sakaq, policia ka nisur hetimin për rastin, ndërkohë që ka bllokuar automjetin tip “Benz” dhe ka shoqëruar drejtuesin në Komisariatin e Policisë së Sarandës.