Buxheti i Arsimit për vitin 2019 parashikon rritje pagash për 100% të punonjësve të arsimit parauniversitar. Kryeministri Edi Rama i pranishëm në prezantimin e buxhetit për Arsimin, vuri në dukje se falë reformave të thella e të dhimbshme që janë ndërmarrë, e falë punës për rritjen e të ardhurave e mundësive financiare, është vendosur rritja sërish e pagave të punonjësve të arsimit parauniversitar.
Nga kjo rritje përfitojnë 100% e punonjësve të këtij sistemi dhe rritja prej 7% e pagave do i kushtojë buxhetit të shtetit mbi 10 milionë dollarë që do shkojnë në familjet e mësuesve dhe gjithë punonjësve të tjerë të arsimit parauniversitar.
