Ka rinisur mbledhja e Këshillit të Mandateve në Kuvend për çështjen e Saimir Tahirit, të cilin prokuroria kërkon ta arrestojë. Deputeti i Gjirokastrës, Bledi Çuçi është shprehur se e gjithë kjo është një farsë.
“Këtu kemi të bëjmë me një farsë. Këtu s’ka fare asnjë lidhje me Saimir Tahirin. Unë e kam krijuar këtë bindje si deputet i Republikës së Shqipërisë”, u shpreh Çuçi.
Më tej ai kërkoi që t’i jepet kohë palës mbrojtëse, në këtë rast Saimir Tahirit, për të parashtruar argumentat e tij. Çuçi solli në vëmendje një rast të vitit 2007 kur kërkohej heqja e mandatit për Lulzim Bashën.