Pas publikimit në media të ngjarjes së mbrëmshme në Tepelenë, ku u sulmua shtëpia e Elon Çiçës, Policia e Gjirokastrës ka reaguar përmes një njoftimi të shkurtër për mediat.
Ajo thotë se personat që sulmuan shtëpinë, dyshohet se kanë marrë serverin e kamerave të banesës, që ndodhet në një kasetë në oborr.
Ja njoftimi i plotë:
Rreth orës 03:20, njoftohemi se në shtëpinë private, brenda rrethimit, të shtetasit N.Ç, banues në lagjen Demokracia, Tepelenë, kanë hyrë 3 persona dyshohet të armatosur.
Personat në momentin që janë pikasur nga pronari i shtëpisë, dyshohet se kanë marrë serverin e kamerave që ndodhej në një kasetë në oborr dhe janë larguar.
Në vendngjarje kanë shkuar shërbimet e policisë si dhe grupi hetimor. Nga kqyrja e vendit të ngjarjes janë gjetur dhe sekuestruar 5 gëzhoja. Grupi hetimor po vijoj punën për zbardhjen e rrethanave të ngjarjes. Ndërkohe po punohet për identifikimin dhe kapjen e autorëve.
