Digjen gjatë natës tre automjete, zjarri ka qenë i qëllimshëm

Tre automjete janë djegur njëra pas tjetrës në orët e para të mëngjesit të së shtunës (14 prill) në qytetin e Vlorës. Njëri nga automjetet është djegur në lagjen ‘Bishan’ dhe 2 prej tyre në lagjen ‘24 maji’. Automjeti tip ‘Fouristradë’ dhe mjeti tip ‘Benz’ janë gjetur të djegura rreth orës 01:45. Benzi rezulton në pronësi të Ermelind Abazi. Ndërsa automjeti tip ‘Volkswagen Polo’, i gjetur në fshatin Bishan rezulton në pronësi të Klement Trokës. Nga djegia e automjeteve nuk ka persona të lënduar. Nga veprimet e para hetimore ka rezultuar se djegia e automjeteve ka qenë e qëllimshme. Policia ndodhet në vendngjarje dhe po heton për të zbardhur ngjarjet.