Një sasi prej 20 ton kanabis sativa janë kapur në Palermo, Itali. Në pranga janë vendosur 11 persona. Sasi e madhe e drogës është kapur në një anije me flamur Panamez.
Siç bëjnë të ditur mediat e vendit fqinj, operacioni është bërë nga Guardia di Financa, DEA amerikane dhe njësia e Rojes Bregdetare.
Në anije janë gjetur edhe 400 mijë litra karburant. Ende nuk dihet kombësia e të arrestuarve dhe origjina e kësaj sasie të madhe droge.
