Çdo muaj ajo detyrohet të thërrasë policinë dhe të kërkojë ndihmë, pasi djali i saj e shan, e kërcënon dhe e rrah, duke ia kthyer jetën në “ferr”.
Dhe sa herë që çështja shkon në gjykatë ajo e mbron atë dhe cikli i dhunës vazhdon.
58-vjeçarja nga Shqipëria ka lajmëruar edhe një herë policinë ditën e djeshme. Djali i saj 31-vjeçar, me histori vjedhjeje dhe varësie nga droga, ishte sërish i dhunshëm. Nga mesdita e tutje ai e kërcënoi, e shau dhe madje shkoi aq larg sa i hodhi në kokë një kasetofon.
Një skenar i ngjashëm kishte ndodhur në shkurt, mars dhe nëntor. Të tria herët që ndërhyri policia, 31-vjeçari “dhunues” i nënës së tij u arrestua dhe u soll para gjykatës. Nëna e tij, siç raportuan në ERT organet kompetente të policisë, të cilët e kanë ndjekur dramën e saj muajt e fundit, e ka mbrojtur dhe ai është kthyer në shtëpinë e tyre dhe në zakonet e tij abuzive.
Dje edhe një herë policia e ka arrestuar. Dhe nëna e tij, sipas të njëjtave burime, ka refuzuar t’i nënshtrohet ekspertizës mjeko-ligjore, e cila është urdhëruar nga Zyra kundër Dhunës në Familje e Drejtorisë së Parë të Policisë Heraklion, e cila po trajton rastin.
Vihet re se 31-vjeçari ka angazhuar organet e akuzës për një sërë vjedhjesh.
