Një ngjarje e rëndë është regjistruar në Greqi. Një shqiptare është gjetur e lidhur dhe e gjakosur në një hyrje të katit të parë të një pallati të braktisur në Omonia.
33-vjeçarja është dëgjuar duke bërë thirrje për ndihmë mbrëmjen e së hënës nga efektivët e policisë greke. Kur blutë kanë mbërritur, e kanë gjetur vajzën të mbyllur, të lidhur me lecka dhe të plagosur me thikë. Pranë saj u gjet një thikë dhe një shkop me gjak.
Nga hetimet ka rezultuar se ajo kishte rënë pre e abuzimit seksual nga një 27-vjeçar palestinez.
Shqiptarja ka mundur të njohë torturuesin dhe abuzuesin e saj, dhe ka ndihmuar autoritetet për të bërë të mundur arrestimin e tij.
Aktualisht 33-vjeçarja ndodhet në spitalin “Sotiria”, ku po trajtohet për plagët e marra.
Nga ana tjetër, 27-vjeçari palestinez pritet të dalë sot para gjykatës, ku do të përballet me akuzën e plagosjes, rrëmbimit, abuzimit seksual dhe për shkelje të ligjit të “Armëve”.
