Greqia është shprehur e gatshme të rindërtojë maternitetin e shkatërruar nga forcat ruse në qytetin jugor të Ukrainës, Mariupol. Lajmi është bërë publik përmes një postimi në Twitter nga kryeministri grek Kyriakos Mitsotakis.
“Greqia është e gatshme të rindërtojë maternitetin në Mariupol, qendra e minoritetit grek në Ukrainë, një qytet i dashur për zemrat tona dhe simbol i barbarisë së luftës”, shkruan Mitsotakis.
Komentet e kryeministrit grek vijnë një ditë pasi ministri italian i kulturës, Dario Franceschini deklaroi se Italia ishte “gati të rindërtonte” teatrin e qytetit, i cili u godit gjithashtu nga raketat ruse.
“Teatrot e të gjitha vendeve i përkasin të gjithë njerëzimit”, shkroi ai në wëitter.
