Vijon të mbetet e njëjtë gjendja shëndetësore e avokatit Sokol Mëngjesi, i cili u shtrua në spital pas dhunës në zonën e ish-Bllokut.
Avokati prej 48 orësh është i shtruar në spitalin e Traumës dhe vijon të jetë në monitorim intensiv nga stafi mjekësor në reanimacion, në gjendjen të rëndë shëndetësore.
Sipas mjekëve, Mëngjesi ndodhet në gjendje të rëndë shëndetësore, pasi ka dëmtime në tru. Mjekët kanë bërë një ndërhyrje në kokë dhe parametrat jetësorë i ka stabël.
Ndërkohë vijojnë ende kërkimet dhe kontrollet për kapjen e tre autorëve të tjerë të shpallur në kërkim, por ende pa rezultat.
Kontrollet janë shtrirë në të gjithë vendin, jo vetëm në Tiranë.
Avokati, njëkohësisht pedagog i Fakultetit të Drejtësisë, u dhunua nga Dorian Alia, Elton Kasaj dhe Drivaldo Aliaj. Ndërsa Romario Tabaku ka siguruar largimin e tre dhunuesve nga vendngjarja.
Ndërkohë Dritan Nano, i cili dyshohet se ka qenë organizatori i ngjarjes, ka mohuar një gjë të tillë para hetuesve.
Deri më tani është vetëdorëzuar në polici vetëm Dorian Alia.
