Plot emocione në mbrëmjen që inauguron fazën e ligës së Europa League, teksa nuk munguan golat dhe përmbysjet.
Fitore me përmbysje për Olympiacosin, që pësoi fillimisht gol nga Jagiellonia. Szmyt shënoi në minutën e 20-të, por Gonzalez në të 43-tën dhe Yaremchuk në të 83-tën përmbysën gjithçka. Në fushë festuan edhe ish-lojtarët e Serie A, Pirola dhe Freuler.
Tri pikë edhe për Lyonin, që mposhti 2-1 Anderlechtin në transfertë. Nartey dhe Nakamura shënuan në pjesën e parë, ndërsa Cvetkovic ngushtoi diferencën në pjesën e dytë.
Vetëm një gol, por tri pikë për Sunderlandin. Le Fée realizoi nga pika e bardhë në fitoren 1-0 ndaj AZ Alkmaar, ndërsa në fund Brobbey dhe Angulo humbën një mundësi të jashtëzakonshme me portën bosh.
Bayer Leverkusen triumfoi 2-0 ndaj Celjes, falë autogolit të Seslar dhe golit të Medinës në minutën e 74-t.
Ndërkohë, Hapoel Beer Sheva–Dinamo Zagreb dhe Sturm Graz–Rennes përfunduan në barazim pa gola. Dy ndeshje me raste dhe shumë pengje, sidomos për skuadrat që nuk arritën të shfrytëzonin mundësitë e krijuara.
