Shumë njerëz e kanë të vështirë ta kalojnë jetën vetëm me një person. Anita Cassidy, 40 vjeç, është një prej tyre. Pas 10 vitesh me bashkëshortin e saj, Marc, ajo e shihte monogaminë si një gjë që po e mbyste jo vetëm seksualisht, por dhe emocionalisht. Për këtë arsye, ajo i tha të shoqit se kërkonte një eksperiencë tjetër.
Pas shokimit në fillim, Marc pranoi që ata të gjenin të dashur. Tashmë Anita është jo vetëm me të shoqin, por ka edhe një të dashur 30-vjeçar, Andrean.
“Ne kishim një jetë te mrekullueshme, bashkë me fëmijët tanë. Por, unë doja më shumë. S’mund ta kaloja jetën vetëm duke u kujdesur për darkën e drekën dhe të bëja detyrat e fëmijëve. Ideja se mund të bëja seks vetëm me një mashkull po më mbyste. Nëse do të më thoshin disa vite më parë, se unë dhe bashkëshorti im mund të kishim marrëdhënie të hapur, do të qeshja.
Por tani jemi të lumtur. Rreth një vit më parë postova foto me bashkëshortin tim dhe Andrean, si dhe dy fëmijët. Të gjithë më pyesnin se kush ishte ai, dhe unë u thashë se është i dashuri im. Mbetën të habitur”, tregon ajo.