Që prej datës 19 dhjetor, rreth 44 mijë shtetas shqiptarë kanë hyrë në vendin tonë nëpërmjet pikës kufitare të Kakavijës. Autoritetet bëjnë me dije se këtë vit kanë hyrë rreth 20 mijë shtetas më pak krahasuar me vitet e kaluara.
Ndërsa një fluks më i lartë vihet re në dalje të Shqipërisë. Mesatarisht sipas ritmit ditor rreth 2600 shtetas rregjistrohen çdo ditë në dalje. Duke filluar që prej datës 19 dhjetor, gati 20 mijë vet kanë hyrë në shtetin grek. Fluksi pritet të rritet në fundjavë dhe mengjesin e së hënës.
Për shkak të numrit të lartë të njerëzve, policia kufitare po punon me numër të dyfishuar sportelesh, ndërsa pala greke ka shtuar një sportel në hyrje drejt Shqipërisë. Këtë vit është vënë re një rritje për blerjet në shtetin fqinj dhe rënie e shpenzimeve në Shqipëri. Investimet në bizense të vogla, restaurimet e banesave që kanë qenë tipike për periudhën sipas bankave të nivelit të dytë këtë vit janë minimale.
Gjithashtu është reduktuar edhe numri i mbërritjeve për festat edhe në prenotimet e fundivitit në Sarandë e Gjirokastër.
