Specialistët e Seksionit për Hetimin e Narkotikëve dhe Trafiqeve të Paligjshme ekzekutuan urdhrin e ndalimit të Prokurorisë, për shtetasin M. M., 37 vjeç, banues në fshatin “Asim Zeneli”, Gjirokastër, pasi Gjykata e Shkallës së Parë Gjirokastër ka caktuar masën e sigurisë arrest me burg për veprën penale “Kultivim i narkotikëve”.
Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër për veprime të mëtejshme. Mësohet se 37-vjecari është vetëdorëzuar në polici.