Pesë lagje kanë mbetur pa energji elektrike si pasojë e djegies së një linje përcjellëse të rrymës. Ngjarja ka ndodhur mbrëmjen e sotme në Gjirokastër, teksa ka rënë zjarr në linjën përcjellëse të tensionit në lagjen “Zinxhira”.
Mësohet se pa energji elektrike kanë mbetur pesë lagjet: Zinxhira, Dunavat i Pare, Dunavat i Dyte, Manalat dhe Cfakë, ku banojnë 10 mijë banorë.
Burimet paraprake bëjnë me dije se zjarri ka ndodhur si pasojë e ngarkesës së lartë dhe për rrjedhojë është djegur e gjithë linja përcjellëse e energjisë elektrike.
Në vendngjarje kanë mbërritur forcat e zjarrfikëses që kanë shuar flakët. Investimi i fundit në këtë linjë është bërë vetëm pak muaj më parë nga njësia e OSHEE-së në Gjirokastër.
