Gjirokastër, gjeologët japin alarmin: Banorët të braktisin pallatin që po shembet!

Gjeologët e kanë vlerësuar të rrezikshme situatën në pallatin 5 katësh në lagjen ‘Punëtori’ në Gjirokastër, duke iu bërë thirrje banorëve të braktisin shtëpitë. Në Gjirokastër kanë mbërritur disa ekspertë të tjerë të ardhur nga Tirana, të cilët pritet të bëjnë një vlerësim më të mirë të situatës. Sidoqoftë vlerësimi paraprak i gjeologëve është se bazamenti i ndërtesës nuk është i qëndrueshëm. Rekomandimi është për ndërtimin e një muri mbrojtës, për të mos lejuar që carja të prekë edhe banesa të tjera aty pranë. Pallati rrezikon shembjen pasi aty pranë po kryhen punime për një tjetër objekt.