Shoqëria Ujësjellës-Kanalizime Gjirokastër ka nisur aksionin në fshatrat Valare, Topullaraj dhe Shën Todhër për evidentimin e lidhjeve të paligjshme në rrjetin e shpërndarjes me ujë të pijshëm.
Sipas UK Gjirokastër, gjatë aksionit u evidentuan gjithashtu abonentët me ujëmatës të dëmtuar.
Për UK Gjirokastër e rëndësishme gjatë këtij aksioni është evidentimi i veprimeve jo korrekte ndaj së cilës do të merren masa si; kush dëmton rrjetin e ujësjellësit, do të gjobitet, kushdo që ndërhyn në mënyrë të paligjshme në rrjetin e ujësjellësit do të gjobitet.
“Në ditët në vazhdim kjo fushatë do të shtrihet në të gjithë qytetin e Gjirokastrës duke mos lënë pas dore mirëmbajtjen e rrjetit të ujësjellësit”, thekson UK, Gjirokastër.
Shoqëria Ujësjellës Kanalizime Gjirokastër theksoi se punon çdo ditë në shërbim të çdo konsumatori për përmirësimin e furnizimit me ujë.
