Policia e Gjirokastrës ka shpërndarë për mediat një njoftim për raportin e punës gjatë javës që shkoi. Ndër të tjera bie në sy edhe numri i madh gjobave për shoferët që kanë shkelur Kodin Rrugor. Vetëm për një javë janë vendosur 228 gjoba. Më poshtë njoftimi i plotë.
Gjatë javës që lamë pas kanë vijuar kontrollet nga Strukturat e Drejtorisë Vendore të Policisë Gjirokastër, me qëllim parandalimin e ngjarjeve kriminale, goditjen e paligjshmërisë dhe kapjen e personave të shpallur në kërkim.
31 shtetas janë proçeduar penalisht për vepra të ndryshme penale nga të cilët:
5 shtetas janë arrestuar, 1 është ndaluar, 24 janë proçeduar penalisht në gjendje të lirë, si dhe 1 është shpallur në kërkim.
• Vijon zbatimi i planit të masave nga Policia Rrugore Gjirokastër, për rritjen e parametrave të sigurisë rrugore, ku është arrestuar një drejtues mjeti për veprën penale “Drejtim automjeti në gjendje të dehur apo pa dëshmi.” dhe 1 shtetas është proçeduar në gjendje të lirë.
Janë vendosur 228 masa administrative për shkelje të ndryshme të Kodit Rrugor.
• Gjatë kësaj jave kanë vijuar takimet sensibilizuese me nxënësit e shkollave për t’i thënë “STOP” duhanit, alkoolit dhe drogës.
• Në zbatim të plan-masave për kontrollin e territorit me qëllim parandalimin dhe goditjen e kultivimit të bimëve narkotike, nga strukturat Policore të Komisariateve të Policisë Gjirokastër, Tepelenë dhe Përmet janë ushtruar kontrollet në të gjithë territorin e Qarkut Gjirokastër.
D.V.P. Gjirokastër fton të gjithë qytetarët të denoncojnë në numrin pa pagesë 112 dhe në aplikacionin “Komisariati Digital” për çdo shkelje të ligjit , duke ju garantuar reagimin e shpejtë dhe profesional.
