POLICIA E SHTETIT
Specialistët për Hetimin e Krimeve në Komisariatin e Policisë Gjirokastër kanë referuar materialet në Prokurori, ku ka nisur procedimi penal ndaj shtetasit K. L., 56 vjeç.
Sipas njoftimit, 56-vjeçari është konstatuar duke kryer punime ndërtimi pa lejen përkatëse, në kundërshtim me legjislacionin në fuqi.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
