Ministri i Shtetit për Marrëdhëniet me Parlamentin, Toni Gogu reagoi përmes një postimi në rrjetet sociale ndaj protestës së fundit të opozitës në Tiranë.
Gogu deklaroi se ata që pretendojnë të jenë “zëri i qytetarëve” në fakt nuk përfaqësojnë aspiratat reale të tyre.
“Këta pretendojnë të jenë zëri i qytetarëve a thua se qytetarët duan zjarr e flakë! Por ndaj dalin në zgjedhje ashtu siç dalin”, tha Gogu.
Sipas tij, qytetarët shqiptarë kërkojnë stabilitet, punë të përditshme dhe zgjidhje konkrete për problemet, jo tensione apo përplasje politike.
“Qytetarët duan Shqipërinë europiane që vështirësitë dhe problemet që ka i zgjidh me punë të përditshme! Dhe Shqipëria nuk ndalet”, përfundoi reagimi i ministrit Gogut.
