Ministria e Krizave Klimatike dhe Mbrojtjes Civile në Greqi ka shpallur gjendjen e jashtëzakonshme pas tërmeteve të vazhdueshme që kanë goditur ishullin e Santorinit.
Gjendja e jashtëzakonshme do të jetë në fuqi deri në mars, thuhet në njoftimin e autoriteteve të mbrojtjes civile.
Mediat vendase shkruajnë se lëkundjet vijojnë të trondisin zonën, duke rritur rrezikun e rrëshqitjeve të rënda të dheut dhe rrëshqitjeve të gurëve.
Vetëm natën e së mërkurës, gjashtë tërmete me magnitudë 4 u regjistruan në zonën detare rreth Santorinit, të ndjekur nga një goditje më e fortë prej 5.2 në jug të Amorgos.
Sipas raportimeve të mediave të huaja aktiviteti intensiv po dëmton edhe banorët që kanë vendosur të qëndrojnë aty.
