Harry Kane mbylli një vit fantastik me Bayern Munich, me dy trofe sezonal, por dhe dy trofe personal, si krye topçiu në Gjermani dhe “Këpuca e Artë” në Evropë. “Bomberi” anglez realizoi 61 gola këtë sezon, ku mes tyre 36 në Bundesligë dhe 14 në Champions League. Kane është i vetëdijshëm se me këto shifra është një prej kandidatëve kryesor për të fituar “Topin e Artë” këtë sezon, edhe pse përcaktues do të jetë edhe Botërori:
“Pa llogaritur Botërorin, mendoj se jam mes favoritëve për të fituar “Topin e Artë”, së bashku me lojtarët që morën pjesë në finalen e Champions League”, u shpreh Kane për L’Equipe duke shtuar:
“Në të njëjtën kohë nuk jam tipi i lojtarit që jam i fiksuar pas një vlerësimi të tillë, preferoj ta tregojë vlerën time në fushë, u shpreh Harry Kane.
Së fundmi, sulmuesi anglez mori një vlerësim të veçantë pasi është bërë pjesë e shtëpisë së famshme, Madame Tussauds. Kane ishte i pranishëm në Londër ku pozoi pranë statujës së dyllit:
“Të shoh veten me fanellën e Anglisë, me këpucët veshur, është një ndjesi e mrekullueshme”, u shpreh Harry Kane. Menjëherë pas vizitës së tij në Londër, Harry Kane u bashkua me ekipin përfaqësues në Amerikë, ku në Florida po zhvillojnë fazën përgatitore.
