Një ditë më parë Roland Bejko komunikoi vendimin e tij për të mos rikandiduar më për kreun e Partisë Demokratike Gjirokastër. Zgjedhjet për drejtuesin e ri, do të zhvillohen nesër, edhe pse çuditërisht kandidaturat mbahen sekret. Siç e tha edhe vetë Bejko në deklaratën e tij të largimit, ai do të vijojë angazhimin politik me PD-në.
ArgjiroLajm.net mëson se Lulzim Basha do t’i besojë atij drejtimin e Sekretariatit për Pushtetin Vendor në Partinë Demokratike. Gjatë qeverisjes së PD-së, Bejko shërbeu edhe si drejtor i Përgjithshëm i Pushtetit Vendor dhe Integrimit Evropian në Ministrinë e Brendshme.
Pozicioni i ri në PD është i ngjashëm me atë që mbante dikur në ministri. Prej vitit 2014 ai u rikthye në Gjirokastër si kryetar i PD-së. Në zgjedhjet e vitit 2017, sërish nuk arriti dot të zgjidhej si deputet edhe pse ishte i dyti në listë.
©ArgjiroLajm.net
