Sali Berisha rikthehet brenda selisë blu. Para mbërritjes së Berishës, ishin përfaqësuesit e “Foltores” ata që hynë në zyrën e kryetarit të komanduar të PD Enkelejd Alibeaj dhe Sekretarit të Pergjithshëm Gazment Bardhi ku ka nisur një takim prej orës 14:40.
Burime nga selia blu bëjnë me dije për Lapsi.al se mbledhja po mbahet në zyrën e Gazment Bardhit.
Grupi i deputetëve që ndodhet në selinë e PD janë Flamur Noka, Edmond Spaho, Belind Këlliçi, Albana Vokshi, si dhe përfaqesuesi ligjor i Foltores, Ivi Kaso.
Vendimi për të shkuar në selinë e PD është marrë në një mbledhje shumë të shkurtër që u zhvillua në zyrat e Komisionit të Rithemelimit.