Aktori i njohur i humorit, Bes Kallaku feston sot ditëlindjen e tij të 35-të, ku edhe ka ftuar që t’i bashkohet festës së tij presidenti i vendit, Ilir Meta. Ky i fundit ka shpërndarë fotot nga festa, e cila është zhvilluar me një tematikë të veçantë: fshatin. Në fotot e shpërndara nga Meta, në njërën po ‘rrok’ grushtet me aktorin, ndërsa tek tjera pozon edhe me gjyshen e Besit, Ijen. Duke marrë parasysh rritjen e numrit të të infektuarve nga koornavirusi, qeveria ndërmorri disa masa kufizuese duke ndaluar edhe grumbullimet dhe festat familjare, të cilat konsiderohen si një prej vendeve që janë kthyer në vatra infeksioni. Mesa duket ky rregull nuk është përfillur nga aktori dhe të ftuarit e tij.
