‘Jam mirë’, Eriksen reagon për herë të parë pas atakut kardiak

Bota e futbollit mbajti dje frymën, teksa Christian Eriksen për 18 minuta luftoi për jetën.
Fantazisti u rrëzua në fushë pas një arresti kardiak në sfidën e EURO 2020 mes Danimarkës dhe Finlandës, ndërsa për fat ndihma e menjëhershme e mjekëve ishte vendimtare në stabilizimin e situatës. Pas kësaj situate ka reaguar për herë të parë edhe vetë lojtari.
Nga spitali, fantazisti 29 vjeçar ka treguar se është në gjendje të mirë dhe shpreson të kthehet sa më shpejt në fushë, duke qetësuar kështu fansat e futbollit që për disa çaste u shokuan dje pasdite.
“Jam mirë, shpresoj të kthehem shpejt”, tha shkurtimisht Eriksen.