Në Shqipëri ka nisur një protestë tjetër, kësaj herë kundër një kompanie të njohur për kërkimin dhe furnizimin me naftë që vepron në gjithë botën. Është fjala për kompaninë SHELL.
Shkak u bë shfaqja e punonjësve të SHELL në Zagori për të bërë disa kërkime dhe kjo solli dhe protesta nga banorë dhe ata që e kanë quajtur veten ambientalistë.
SHELL dhe kompani të tjera të huaja kanë bërë kërkime në Shqipëri. SHELL është kompania që ka investuar më shumë në Shqipëri.
Fakti që SHELL ka 7 vjet që ka ardhur në Shqipëri, tregon që kjo kompani rivalizon për të qenë më e madhja në botë, këtu e kam fjalën për botën perëndimore.
Fakti që SHELL ka ardhur në Shqipëri tregon se ka diçka të vërtetë tek ajo legjenda që Shqipëria është si një anije që lundron mbi naftë. Poshtë Shqipërisë ka një det me naftë.
Ky do të ishte një lajm i mirë, kur jemi pranë përfundimit epokës së naftës.
Nëse mund të shfrytëzohet kjo pasuri, e cila ka një të keqe, është shumë mijëra metra poshtë sipërfaqes së tokës, kërkohen shpime deri në 10 mijë metra.
SHELL ka teknologjinë i bën të leverdisshme këto kërkime. Një gjë që shteti shqiptar dhe kompani të tjera nuk do të jenë në gjendja të bëjnë.
SHELL shpon në Berat, kompani të tjera shpojnë në Mallakastër, Vlorë etj dhe heshtet, askush nuk flet se po rrezikohet mjedisi. Edhe kur SHELL bëri shpime në Berat dhe hapi disa puse të mëdha nuk pati protesta.
Sapo SHELL shkoi më në jug, pranë kufirit me Greqinë fillojnë protestat, fillon presioni ndaj qeverisë shqiptare, e cila thotë se nuk do ti lejojë këto me argumentin se ka një park natyror.
Zagoria është një zonë gëlqerore e shpyllëzuar. Është një zonë edhe e shpopulluar nga njerëzit, që kanë emigruar në pjesën më të madhe.
Këta që bëjnë zhurmë befasisht janë disa emigrantë të kthyer nga Shqipëria që janë të nxitur ti bëjnë këto në mënyrë që SHELL të mos ketë bashkëpunim me qeverinë shqiptare për shfrytëzimin e naftës./Ora News
