Dy ditë pasi ne publikuam lajmin për një kandidim të mundshëm për Bashkinë Gjirokastër të Niko Zhullës, ka reaguar ky i fundit. Ndonëse do të ishte e udhës që reagimin Zhulla ta dërgonte tek ne ai zgjodhi ta bëjë këtë tek portali i PD Gjirokastër. Është e drejta e tij. Natyrisht që ne s’na komplekson fare kjo gjë dhe kemi detyrimin të fusim reagimin që ai ka bërë.
“Dje në një portal është publikuar një lajm i rremë në lidhje me kandidimin tim të mundshëm për kryetar bashkie nga Bindja Demokratike. Unë i qëndroj konseguent bindjeve të mija dhe integritetit tim personal duke e përgënjeshtruar këtë lajm si te pavertete” ka thënë Zhulla për portalin e PD Gjirokastër.
Për respekt të atyre që kanë lexuar shkrimin tonë dhe për dijeni të Niko Zhullës, ne nuk kemi thënë për asnjë moment që kandidimi i tij është ‘vulosur’. Vetë Niko Zhulla është duke e konsideruar kandidimin për Bashkinë Gjirokastër, por pret si do të rrjedhin ngjarjet në krahun e PS-së. Këto gjëra i ka shprehur vetë ish-drejtori dhe ne i jemi referuar burimeve të afërta me të.
Nuk është fantazi e jona kjo. Le më pastaj siç thotë portali i PD-së, se gjoja jemi lëshuar ne “shërbëtorët e Edi Ramës” për të përçarë opozitën. Opozita është aq e përçarë dhe e pashpresë sa s’ka ku të vejë më. Sa për pjesën e Vangjel Tavos, nuk kemi thënë që Niko Zhulla, nëse kandidon, ka për të qenë kukulla e ish deputetit. Po të jetë për kukull Tavo ka Ahile Deçkën në Dropull. Kemi thënë se ai mund të shfrytëzojë raportin miqësor me Vangjel Tavon në këtë sfidë dhe kjo nuk është kriminale as imorale. Tavo mund të jetë një lloj mentori i tij politik.
Ēshtë krejt normale që nëse do të fitosh do i lëvizësh të gjitha gurët. Kështu që s’ka pse Zhulla vihet në siklet pse i kemi përmend Tavon. As nuk e kemi fyer dhe as kemi shpifur ndaj tij, nuk ka arsye. Madje i sugjerojmë të kandidojë dhe të mos dëgjojë porositë e fosileve politike që mbajnë peng PD-në në Gjirokastër apo këshillat e gazetarëve që i ushqen Zamira Rami me tollona nafte.
Dhe tani që e kanë kuptuar se Zamira është në muajt e fundit të pushtetit, janë hedhur me lëpirje herë nga Flamuri e herë nga Artemisa. (Për çështje etike nuk po themi më tepër se kaq në këtë pjesë)
Po nuhatën që edhe ju Niko, mund të fitoni, do të të lëpihen se iu është bërë ves. Kështu që kur ta ndash mendjen për kandidimin, merru me Tavon dhe bashkëpunëtorēt e tjerë të tu, ndërsa palaçot mbaji sa më larg. Pjesa tjetër pastaj që lajmi qenka sajuar për ‘like’ është më shumë sesa për të qeshur.
©argjiroja.net
