Në Gjirokastër ka qenë sot kryeinspektorja e komanduar e Inspektoriatit Shtetëror Shëndetësor, Arteti Beruka. Ajo kreu disa inspektime në lokale të ndryshme të qytetit, për të parë zbatimin e Ligjit Antiduhan, si dhe tha për Tvsh se toleranca do të jetë zero. Në fakt ky inspektim ka qenë thjesht show, sa për t’i hedhur hi syve njerëzve.
Pothuajse në të gjitha lokalet e Gjirokastrës pihet duhan lirshëm, madje edhe në ato ku ishte sot kryeinspektorja. Beruka shkoi edhe më tej duke e vlerësuar Gjirokastrën si rast suksesi, pasi sipas saj s’ka asnjë denoncim te platforma e bashkëqeverisjes apo tek numri i inspektoriatit sa i përket respektimit të ligjit Antiduhan.
Fakti që ska denoncime nuk do të thotë se situata është për t’u lavdëruar. Me siguri edhe lokalet ku shkoi sot kryeinspektorja, mund të jenë njoftuar më herët për vizitën e saj. Shkelja e ligjit Antiduhan në Gjirokastër dhe moslëshimi i kuponit tatimor, janë dy gjëra fare të zakonshme për lokalet e qytetit.
©argjiroja.net
