Ish-deputetja Monika Kryemadhi ka deklaruar në emisionin “Kjo Javë” se nuk do ta takojë kurrë Ilir Metën në burg. Ish-bashkëshortja e Ilir Metës u shpreh se i ka falur të gjithë por nuk do ta harrojë çfarë i ka bërë ky i fundit së bashku me rrethin e tij të ngushtë.
Monika Kryemadhi tha se me Ilir Metën do të takohet vetëm në gëzime familjare, martesat e fëmijëve dhe kur të bëhen gjyshër, por asnjëherë në rrethana të tjera.
Ish-deputetja Kryemadhi u shpreh se Ilir Meta dhe rrethi i tij e kanë fyer dhe e kanë linçuar publikisht. Sakaq, ajo theksoi se është ushtruar presion ndaj fëmijëve të saj.
“Nuk do ta takoja Ilir Metën dhe absolutisht kam thënë që do takohem me të kur të martojmë fëmijët, do bëhemi gjyshër etj. Unë nuk jam gati për t’u takuar me Ilir metën, qoftë emocionalisht, qoftë në aspektin e mënyrës si sepse e ndjej vetën shumë të fyer nga mënyra si jam linçuar nga rrethi i tij dhe ai vetë në atë kohë.
Nuk do ta fal mënyrën si SPAK dhe mediat përdorën kundër meje për thashetheme që janë përdorur. I kam falur që të gjithë, por nuk kam harruar akoma atë që kanë bërë dhe tensionin e presionin që kanë ushtruar te fëmijët e mi”.-tha ajo.
