Kulmi sezonit turistik, Saranda në errësirë, shpërthejnë në flakë disa kabina (VIDEO)

Prej mesditës së sotme raportohet për ndërprerje të energjisë elektrike në Sarandë për shkak të zjarrit në disa kabina. Probleme ka pasur edhe në mbrëmjen e sotme. Mësohet se kanë marrë flakë disa kabina, përfshi edhe kabllin e transmetimit 20 Kë në Ksamil. Kolapsi ndodh në pikun e sezonit turistik. Më herët gjatë ditës OSHEE deklaroi se po punonte për normalizimin e situatës, por mbrëmja e gjeti qytetin bregdetar në errësirë.