Ndryshe nga zgjedhjet e vitit 2021 kur Vangjel Tavon e kishte përballë në Gjirokastër, e ku akuzat e ndërsjellta nuk munguan, sot Mirela Kumbaro e uron publikisht për fitoren në Himarë. E cilëson njeri punëtor dhe thotë se mezi pret të bashkojë forcat me të në Himarë.
Më poshtë postimi i plotë i ministres së Turizmit dhe Mjedisit e njëherazi drejtuese politike e PS në Gjirokastër.
“Sot, bashkë me javën e re, nis edhe Himara një rrugëtim të ri, me kryetarin e ri të sapozgjedhur, socialistin e vjetër e punëtor Vangjel Tavo. Plotësisht e merituar kjo fitore e Partisë Socialiste në Himarën e bukur për të cilën janë bërë aq shumë punë, e më shumë akoma do të bëhen me kryetarin e ri të bashkisë!
Mezi pres të bashkojmë forcat me Vangjelin e të gjithë himariotët kudo që janë, për të ecur me ritëm të shpejtuar për zbatimin e projektit tonë #ShqipëriaTuristike2030 ku Himara do të jetë xhevahiri i kurorës, shkruan Kumbaro në Facebook.
