Ministrja e Turizmit dhe Mjedisit, Mirela Kumbaro, ishte ne Gjirokastër per nje inspektim te zones rreth kalase, e cila eshte e ndotur nga mbetjet qe hedhin banoret. Teksa publikon disa foto, Kumbaro terheq vemendjen e banoreve te mbajne paster ambientin, si dhe porosit bashkine te aplikoje gjoba ndaj ndotesve. Me poshte postimi i plote i ministres.
Se nuk rri dot pa e thënë ndërsa inspektoja territorin ne Gjirokastër: Na rroftë që i mbajmë shtëpitë e pastra! Na rroftë Kalaja. Na rroftë që flasim për turizëm në Gjirokastër e ushqime të mira e bukurira, kur prej majës së kalasë sytë të mbushen me plehra që ulërijnë me shëmtinë e tyre. S’ka turp më të madh që punonjësit e pastrimit të bashkisë i heqin ditën, por në mëngjes rrëpira mbushet prapë me qese nga familjet që i vërvisin nga dritaret pa iu dridhur dora… Po hidhini more plehrat aty ku janë për t’u hedhur. Po mos ia helmoni more fëmijëve tokën. As Bashkia Gjirokaster dhe asnjë qytetar të mos i tolerojë këto sjellje, hiç mos t’ju dhimbset dora kriminale që ndot dhe shëmton prandaj Bashkia te gjobise familjet qe nuk u dhimbet oborri prapa shtepise e çdokush te DENONCOJË te Komisariati Digjital çdo rast krimi mjedisor.
