Kumbaro rrëfen një histori nga Përmeti: Në 2017 kur e njoha Arbri Gogën...

Nga Mirela Kumbaro

Një sekret❗️: nuk të fola fundjavën që shkoi për Përmetin sepse e dija që s’do të gjeje dot vend në hotelet e Përmetit. 👉🏻Por tani mbaj shënim se do të të duhet të rezervosh disa fundjava për të zbuluar sekretet e “Toskanes shqiptare”, nuret e luginës së Vjosës, hiret e pyjeve e përronjve nga Dangëllia në Nemërçkë, shijet marramendëse të kuzhinës përmetare, aromat e frutave në gliko e të vreshtit në raki, glikotë e perimeve dhe rakinë e dëllinjës, banjat termale e kishat unikale, bujtinat e Përmetit e vetë përmetarët që janë zemra dhe truri i njerëzve të rrallë.

👉🏻Sot dua të të kujtoj një histori për të cilën kam folur në 2017 kur e njoha Arbri Gogën për së pari ndërsa ai punonte në kantierin e hapur te ish-çerdhja e vjetër në zemër të Qendrës Historike të Përmetit, të cilën e kishte blerë për ta kthyer në bujtinë duke ruajtur arkitekturën tradicionale dhe materialet natyrore të zonës.
✅Qysh atëhere jam rikthyer disa herë te ky projekt që Arbri e ka ndërtuar me pasion e përkushtim dhe me punën e vet si emigrant në Itali ku dhe krijoi familjen e tij të bukur italo-shqiptare me Merin.
✅Sot “çerdhja”që është pagëzuar me emrin “Villa Permeti”, @villapermet është padyshim një dallëndyshe krenare e turizmit përmetar por edhe një “hotel boutique” i ngrohtë, cilësor, me dashurinë e lëndëve natyrale, rehatin e dhomave me dritare të mëdha, dhe pamjen e pashoq mbi qytet, mbi Vjosë e malin përballë.

😊E kam me qejf të ta zbuloj këtë strehë të re turizmi e tradite përmetare, që i shtohet, hoteleve ekzistuese të Përmetit, si Alvero, Funky, Aroma, bujtinat e jo vetëm…
⏩ vijon…😉

E bukura e kesaj pune fshihet ne detaje. Dhe ne Permet detajet jane vete jeta! Qe nga lulet, puna e dores e deri guri druri e gjethet….Ne kete link gjen informacionin e plote per Villa Permet
⬇️⬇️ https://villapermet.com/en/home-3/

Por disa nga detajet qe i kapi syri im do t’i ndaj ketu me ty duke shpresuar sado pak te jap diçka nga emocioni shume pozitiv qe perftova une nga ajo foleze ndertuar e rregulluar nga Meri dhe Arbri!