Udhëheqësi i Koresë së Veriut, Kim Jong Un, priti ekipet kampione të futbollit të femrave të vendit, raportuan mediat shtetërore të këtij vendi. Në pamjet e transmetuara nga televizioni shtetëror Korean Central Television, futbollistet e ekipit Naegohyang Women’s FC dhe të përfaqësueses U-17 të femrave shihen duke brohoritur dhe duke shpërthyer në lot emocionesh gjatë takimit me liderin e vendit. Më pas, Kim Jong Un dhe zyrtarë të tjerë ndoqën një ndeshje miqësore mes dy skuadrave.
Naegohyang Women’s FC vizitoi South Korea në muajin maj dhe fitoi AFC Women’s Champions League, pasi mposhti ekipin japonez Tokyo Verdy Beleza në finale. Kjo ishte hera e parë pas tetë vitesh që sportistë nga Koreja e Veriut vizitonin Korenë e Jugut. Me këtë triumf, skuadra siguroi edhe kualifikimin për edicionin e ardhshëm të FIFA Women’s Champions Cup.
Ndërkohë, edhe përfaqësuesja U-17 e femrave e Koresë së Veriut pati sukses të madh, duke fituar në muajin maj AFC U17 Women’s Asian Cup dhe duke konfirmuar dominimin e futbollit të femrave të vendit në arenën aziatike.
