Deputetja demokrate qëndroi së bashku me kolegët e saj e mbyllur brenda godinës së PD pas 3 orësh protesta të dhunshme dhe përdorimi të gazit lotsjellës.Dita e sotme ka qenë ndoshta më e vështira për të demokratët teksa për herë të parë që prej themelimit u krye një përplasje e hapur fizike në selinë e Partisë Demokratike. Pas 3 orësh përpjekje për të nxjerrë jashtë kryetarin e partisë Lulzim Basha dhe për të marrë selinë me çdo lloj mjeti, deputetët e PD të ndodhur brenda kanë mundur të marrin frymë lirshëm. Njëra prej tyre, Grida Duma mundi të dalë nga godina, e cila u kthye në një arenë të vërtetë lufte, ku u përdor dhe gazi lotsjellës. Brenda PD, ajo realizoi një video ku u bëri thirrje demokratëve të gjejnë zgjidhje paqësore për të dalë nga kriza ku janë futur prej 4 muajsh.