Një 24-vjeçar është arrestuar nga policia e Përmetit pasi u kap në flagrancë duke gjuajtur shpendë të egër me armë gjahu për të cilën nuk posedonte as lejen përkatëse.
“Specialistët e Seksionit për Hetimin e Krimeve në Komisariatin e Policisë Përmet arrestuan në flagrancë shtetasin E. S., 24 vjeç, banues në Përmet, pasi u kap në flagrancë nga shërbimet e policisë në urën e fshatit Biovizhdë, Përmet, me një armë gjahu pa lejen përkatëse dhe disa shpendë të egër”.
Në cilësinë e provës materiale u sekuestruan arma e gjahut dhe 7 fishekë të armës së gjahut. Materialet në ngarkim të shtetasit E. S. i kaluan Prokurorisë pranë Gjykatës së Shkallës së Parë Përmet për veprat penale “Mbajtja pa leje e armëve të gjuetisë dhe sportive” dhe “Dëmtimi i specieve të mbrojtura të florës dhe faunës së egër”.
