Federata Shqiptare e Futbollit e ka marrë në konsideratë kërkesën e klubit Vllaznia për ta shtyrë ndeshjen me Luftëtarin dhe është vendosur që ajo të zhvillohet ditën e diel, në orën 14:00. Ndeshja në fjalë ishte në program të luhej nesër në Gjirokastër, por, për shkak të ngjarjes së shëmtuar me trajnerin e Vllaznisë, Ernest Gjokën, i cili u sulmua me thikë nga një person, klubi shkodran kërkoi shtyrjen, që tashmë është zyrtare. Lajmi është konfirmuar për “Vipsport.al” nga drejtuesit e klubit shkodran, që kanë fituar një ditë kohë për të kaluar tronditjen nga ngjarja shokuese me trajnerin Gjoka.