Igli Tare i dhurojë Allegri-t një “pykë” të re për fazën sulmuese, Niclas Fullkrug, por “bomberi” gjerman shihet si një zgjedhje emergjence, pasi goditjen e vërtetë Tare e ka planifikuar për në verë, në fund të sezonit.
Sipas mediave italiane, goditja e madhe quhet Dusan Vlahovic. Prej kohësh, Tare po punon për këtë objektiv, po përpiqet të bind Vlahovic që të mos rinovojë kontratën e tij me Juventus, në mënyrë që të largohet falas nga Torino. Javën e shkuar agjenti i Vlahovic, Darko Ristic, është takuar me Igli Taren pikërisht për të diskutuar mbi mundësinë për t’u transferuar në Milano në fund të këtij sezoni.
Vlahovic mendohet se ka dhënë pëlqimin e tij për një transferim në radhët e “djallit” pasi do të kishte mundësi të punonte sërish me Allegrin, një trajner që arriti t’i marrë më të mirën gjatë kohës kur të dy punon te Juventus.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
