Zhdukja e 19-vjeçares Artemis Vassilis, ende ka mbetur një mister. Së fundmi rasti i saj është sjell në vëmendje, pasi në shtetin fqinj u gjend një valixhe me trupin e një gruaje. Si fillim u dyshua se ajo mund ti përkiste 19-vjeçares, por më vonë u vërtetua se ajo i përkiste një 38- vjeçarje kineze.
Sidoqoftë avokati i familjes ka theksuar se ka informacione se Artemisa po mbahet jashtë vullnetit të saj nga dy burra dhe sipas tij nuk përjashtohet mundësi që të kenë bërë ndryshime dhe në pamjen e saj.
‘’Informacioni që kemi është se ajo po mbahet nga dy burra kundër vullnetit të saj. Në fakt atë e kanë parë në Volo dhe Athinë saktësisht nga e njwjta dëshmi.
Pas dimensionit që ka marrë çështja , mendoj se mund të ketë disa ndryshime në pamjen e 19-vjeçarjes, mund t’i kenë prerë flokët, mund t’i kenë vendosur paruke, nuk e di. Hetimet po vazhdojnë dhe apeli ynë është që kushdo që di gjë, të flasë edhe anonim,”-ka thënë avokati.
Autoritetet e policisë po kontrollojnë tërësisht çdo provë që misteri i zhdukjes të zgjidhet së shpejti.
Ndërkohë që familja bënë thirrje që kushdo që munda ta ketë parë të lajmëroj. Artemisa Vasili është zhdukur në 19 Tetor, ajo u largua nga shtëpia për të shkuar për një intervistë pune në Peania, por askush nuk e ka parë më prej asaj kohe.