Nga pasditja e sotme do të rikthehet dielli dhe temperaturat normale për këtë stinë. Siç bëhet e ditur në parashikimin e motit nga ana e Instituti i Gjeoshkencave, Energjisë, Ujit dhe Mjedisit, reshje me intensive shiu do të ketë në zonat e Shkodrës dhe Kukësit.
Reshjet
Sot pasdite pritet të ketë reshje të dobëta pothuajse në të gjithë territorin. Në qarqet Shkodër dhe Kukës ato pritet të jenë lokalisht mesatare. Nesër reshjet do të vijnë duke u pakësuar, duke u kufizuar në terrenet kodrinore-malore (siç tregohet në tabelë, respektivisht për secilin qark). Në zona shumë të kufizuara reshjet mund të jenë edhe në formë shtrëngate.
Temperaturat
Nesër temperaturat minimale dhe maksimale të ajrit pritet të arrijnë:
në bregdet: 19 / 28 °C
në vendet e ulëta: 18 / 31 °C
në vendet malore: 12 / 28 °C
Era
Sot pasdite dhe nesër era do të fryjë e lehtë deri mesatare në bregdet dhe në zonat malore.
Zjarret në pyje
Sot pasdite dhe nesër ‘s’ka rrezik’ në të gjithë territorin (siç tregohet në tabelë, respektivisht për secilin qark). Një rritje e lehtë e rrezikut pritet në disa zona të kufizuara, respektivisht në qarqet Fier (Jugperëndim), Vlorë (Veri dhe Jugperëndim) dhe Korçë (Juglindje) ku rreziku pritet të jetë në nivelin ‘i ulët’.
