Ndryshojnë planet, Luftëtari rikthen në Gjirokastër Dejvi Bregun

Dejvi Bregu rikthehet te Luftëtari. Nuk është thjesht një hipotezë, por realitet. “Panorama Sport” zbulon ekskluzivisht nga burime të sigurta se mesfushori vlonjat do të jetë pjesë e gjirokastritëve në Ligën e Europës. Edhe pse Luftëtari arriti marrëveshje me Skënderbeun për shitjen e lojtarit që në muajin janar, mesa duket gjërat kanë ndryshuar. Bregu me shumë mundësi do të rinisë stërvitjen me Luftëtarin që nesër dhe do të jetë gati për ndeshjen ndaj Ventspils.